Powerpoint glærur ljúga ekki, við vitum það öll

Þetta er bara enn eitt sorglegt dæmið um það hvernig ákveðin öfl í USA eru svo kokhraust og hrokafull og afleiðingin er ástandið eins og það er í dag. 

Ég vil minna á að áður en var ráðist inn í Írak, voru jarðbundnir hershöfðingjar í Pentagon sem ráðlögðu að senda miklu miklu stærri her inn í byrjun en Rumsfeld sjálfur hélt fast við áætlun sem hann sjálfur hafði búið til sem byggði á að senda inn mun minni herafla sem myndi með hjálp hátækni vopna og bla bla bla, vinna skjótan sigur og koma öllu í rétt stand á met tíma.  Sumir þessara hershöfðingja gagnrýndu Rumsfeld opinberlega og voru ýmist reknir eða færðir til í starfi.

Það kom svo á daginn að líklega hefði ástandið orðið mun mun betra hefði nægjanlegur herafli verið settur inn strax í byrjun.

En við sitjum uppi með þetta hræðilega ástand sem ríkir núna.  Reyndar verður að nefna að þrátt fyrir átökin sem eru mest í fréttum, er verið að vinna mikilvægt uppbyggingarstarf á ýmsum sviðum í Írak sem við heyrum ekki svo oft um, - en það hefði verið hægt að gera þetta allt betra fyrst það var farið inn í landið á annað borð.

Innrásin í Írak byggð á tálsýnum