Ný tekjulind er rétta orðið. Alltaf til fólk sem vill gleypa við lélegri lausn..

..í nafni framfara og tækni.  Dellu fólk getur ekki hamið sig. " Vá vá vá, nú get ég horft á sjónvarp á pínu pínu litlum skjá.  Alltaf það sem mig hefur dreymt um."

Farsímasjónvarp er dæmi um tækni sem aldrei ætti að finna upp en er til af því þetta er hægt og það verður markaður fyrir þetta.  Hver vill ekki kaupa bók að lesa sem er 6 sinnum minni en venjuleg kilja og veldur mun meiri áreynslu á augun og höfuðið?  Hversu blind erum við ekki þegar kemur að því að ákveða hvort einhver tæknilausn sé virkilega gagnleg eða ekki.

Þetta er voða einfalt:  Notaðu síman til að hringja með og sjónvarpið til að horfa á myndir í.  Ekki falla fyrir þessu bulli.  Þarftu virkilega að horfa á pínu litla mynd í símanum?  Mundu að þú þarft að greiða slatta fyrir að upplifa þetta "tækniundur"

Að troða sjónvarpi í síma er jafn gáfulegt eða gagnlegt og að byggja kaffivél inn í fartölvuna þína.  Það er ábyggilega hægt með því að minnka kaffivelina.  Einnig væri það mjög gagnlegt og æskilegt fyrir allar fartölvur ekki satt, - þú getur nefnilega alltaf hitað þér kaffi hvert sem þú ferð.  Þetta hefur þig alltaf dreymt um...

Hvað heldur þú að maðurinn á myndinni sé að segja okkur öllum?  "Þú verður að kaupa þetta, þú verður að kaupa þetta, - þetta er gott fyrir þig, - getur ekki lifað án þess...

Farsímasjónvarp virðist vera að ná fótfestu - og þó

Athugasemdir

[mar.blog.is, 14.2.2007 kl. 15:26]

Er það ekki svolítið tvískinnungur að finna farsímasjónvarpi allt til foráttu á meðan þið eruð með sjónvarp á á bloggsíðunni.