Glímuskjálftinn farinn að gera vart við sig. 12 febrúar er stóri dagurinn

Úff.  Það er farið að nálgast og maður finnur spenninginn vera hlaðast upp.  Draumur sem ég hef gengið með í mörg ár er að fara rætast.  Hugsanirnar spila borðtennis framm og tilbaka.  Mikil vinna hefur farið í að finna efni og tala við fólk.  Sem betur fer eru flestir jákvæðir og það verður gaman að sýna efni sem hinir og þessir eru að búa til, innanlands sem erlendis.

Gáttin og vefsjónvarpið er angi af sama meiði og ég segi frá djúpi hjarta míns að tilgangurinn er að skapa skemmtilegan miðil sem mun segja hluti sem eru til uppbyggingar.  Við þurfum að fá meiri jákvæðni í þjóðfélagið og segja hluti sem skipta máli.

Ég vil nota tækifærið inn á milli til að velta upp spurningum sem við ættum að hugleiða oftar.  Eitt af því sem ég hef vaxandi áhyggjur af er hraðinn í þjóðfélaginu og þá auknu firringu sem ég verð var við.  Lífsgæðakapphlaupið er að ganga af okkur dauðum og það eru börnin okkar sem þjást mest.

Þetta verður eitthvað sem verður tekið á og einnig vil ég að boðskapur sem hughreystir fólk og veitir því von muni eiga heima á þeim miðli/miðlum sem ég er að byggja upp.  Ekki á ég miljónir og miljónir á bak við mig en ég trúi því heitt að ef þú ert nógu staðfastur og trúir á það sem þú ert að gera, þá getur þú komið af stað breytingum, breytingum til góðs.

Til að ég geti gert þetta þarf ég á stuðningi framsýns fólk að halda.  Fólki sem skilur hvað ég er að tala um og sem vill leggja mér lið.  Ég er hugsjónamaður og hef alltaf verið og ég vil sjá sterkan miðil með hugsjón og boðskap byggjast upp.

Hjálpið mér til þess!  Segið fólki frá vefsjónvarpinu og Gáttinni, styrkið mig með efni og fjármunum og njótið þess að sjá eitthvað gott verða til hér á landi.

Sendið mér póst á [e-mail] um hugrenningar ykkar og pælingar. 
Ef þú ert mannvinur og efnaður máttu hafa samband við mig og ég skal útskýra hvert ég vil stefna og hvaða töfralausnir ég er að vinna með.  Þínir peningar fara í góða hluti.