Prumpandi kýr og sauðir. Hvað með okkur?

Munið þið eftir fréttunum um furðulegan prumpu skatt sem var lagður á beljur og kindur á Nýja sjálandi?  Þetta var á öllum stöðvum og við hlóum að þessu.  Ég líka.  Prumpaði vel á eftir og brosti út í annað. 

Svo mundi ég eftir grein sem ég hafði lesið fyrir mörgum árum síðan í Illustrert Viteneskap eða öðru blaði svipuðu því um mælingar á "gasútláti" manna.  Þar kom fram að við losuðum svo og svo mikið gas á dag.  Man ekki hvað það var mikið, - skiptir ekki máli en ég man eftir pælingunum sem fóru í gang eftir lesturinn.

Fyrir það fyrsta, hverjum dettur í hug að mæla svona nokkuð og fá viðkomendur borgað fyrir að mæla prumpið okkar?  Hvernig var þetta svo framkvæmt?  var settur poki við rassgatið og fólk látið borða "prumpuvænlegan" mat og "prumpubindandi" mat og svo meðaltalið tekið?

Merkilegar mælingar þetta og ekki fyrir löngu þá mundi ég eftir þessum greinum og fréttum í sambandi við fólksfjölgun á jörðinni og nýjar pælingar fóru í gang.  Hvað um allt prumpið í okkur?  Við erum jú fleiri en 6 miljarðar og við þurfum jú að prumpa öll, ekki satt? Er hækkandi hitastig jarðar kannski chili áti okkar um að kenna?

Er þetta ekki þáttur sem vísindamenn verða að taka með í líkön sín og ef þetta er svo, hvernig á að bregðast við?

Ég ætla alla vega verða ríkur og finna upp prumpubindandi tyggjó sem við getum sett upp í okkur eftir máltíðir...

Athugasemdir

[Brosveitan - Pétur Reynisson, 2.2.2007 kl. 13:27]

hmmm, jú líklega.  Annars var vinur minn að benda á að ein B 747 mengar miklu meira en slatti af okkur prumpandi smámönnum.  Geta þeir ekki fundið upp B 747 Prius??

[Sekur skógarmaður (IP-tala skráð) 2.2.2007 kl. 15:58]

Kýr og sauðir Íslands munu víst árlega losa metan (CH4) sem samsvarar 500 þús. CO2-ígildum. Er þá ótalið það magn metans sem losnar frá haughúsum eða öðrum dýrategundum (svo sem mönnum).

Prumpið úr íslenskum rollum og beljum er því jafn mikilvirkt við framköllun á hnattrænni hlýnun og 500 þúsund tonna álverksmiðja!

[Brosveitan - Pétur Reynisson, 2.2.2007 kl. 16:05]

Lambakjöt á diskinn minn og það í hvelli !!!