Framtíð sjónvarpsinns - allir geta sjónvarpað á netinu

Stóru sjónvarpsstöðvarnar eru risaeðlur en þær munu ekki deyja út.  Þær hafa mikið fjármagn og geta kynnt sig fyrir fjöldanum betur en minni stöðvar og því munu margir enn um sinn kveikja á sjónvörpunum sínum til að horfa á næsta kastljósþátt eða spaugstofuna.

það eru gríðarlega spennandi hlutir að gerast á netinu og grasrótarstöðvar eru að nýta sér nýjustu tækni til hins ýtrasta til að koma sínu efni á framfæri gegnum netið.  Kostnaður hefur einnig hrapað niður við að setja upp stúdio með nokkrum stafrænum upptökuvélum og einnig er að vaxa úr grasi hin svokallaða "youtube kynslóð" sem er fullkomlega ánægð með að horfa á efni á tölvunni sinni sem er ekkert endilega klukkutími á lengd né í frábærum gæðum.

Í dag getur hver og einn byrjað að senda út efni frá sinni tölvu og út á netið og haldið úti eiginn dagskrá ef viðkomandi kýs.  Auðvitað getur viðkomandi ekki sýnt nýjustu bíómyndir en það hefur orðið sprenging í hinum "independent" geira sem eru að búa til myndefni fyrir lítinn pening og setja út á netið, annað hvort á youtube.com og svipaðar vefsíður eða í gegnum svokallaða torrentvideo þjónustur.

Og það er nóg af áhorfendum og auglýsendur eru að ranka við sér.  Í dag er netið orðið meiri notaður miðill heldur en prentmiðillinn og samruni eða blöndun sjónvarps og internetsinns mun halda áfram.  Nýtt orð er að ryðja sér til rúms en það er "mouse potatoe" í staðinn fyrir "couch potatoe"  Þett vísar til þeirrar þróunnar að menn setjast æ meir fyrir framan tölvurnar sínar og horfa á efni á 19 tommu skjánum sínum.

Það góða við þessa þróun er að einokun fjársterkra aðila á dreifingu afþreyingarefnis í gegnum netið minnkar og gefur fjöldanum möguleika á að búa til efni og dreifa því sjálft.

Ég er inn á milli spurður að því hvað í ósköpunum ég sé að gera og hvað Gáttin sé eiginlega.  www.gattin.is 

Gáttin er heiðarleg tilraun til þess að byggja upp fjölmiðil sem nýtir sé nýjustu tæknimöguleika við að bjóða upp á afþreyingu á netinu án þess að hafa tugi eða hundruði miljóna á milli handanna til þess að gera það.  Gáttin er rökrétt framhald og þróun á þessu sviði og mun fara í fararbroddi fyrir aðilum sem kannski eru að vinna sitt efni úti í bílskúr, kjallaranum eða litlu stúdíói en eru samt að gera efni sem er jafngott eða betra en og sumt af því efni sem hefur komið frá "stóru" stöðvunum.

 Þessi bloggsíða er dæmi um hvernig er hægt að setja upp persónulegt "Veftíví" á hvaða vefsíðu sem er og í senn sýna efni sem er tekið upp og sýnt þegar þú vilt, eða jafnvel í rauntíma, nánast beint úr vefmyndavélinni þinni.

Á næstu árum munum við sjá fleiri nýjungar á þessu sviði og þetta verður bara gaman.  Gáttin ætlar sér svo sannarlega að fylgjast með þróuninni og tileinka sér hana.

Ég mun samt ekki segja frá ýmsum leyndarmálum sem maður liggur á vegna samkeppnisaðilanna   Við ætlum að sjálfsögðu að stórgræða á því sem við erum að vinna að og fara í útrás og kaupa Microsoft, Apple og Google á einu bretti...

Athugasemdir

[Gunnsteinn Þórisson, 21.1.2007 kl. 19:56]

YouTube og LiveVideo er eitthvað sem ég lít á hvern einasta dag, þetta er svo MUN betri afþreying en TV að það hálfa væri nóg. Það verður gaman að fylgjast með gáttinni, það vantar meira íslenskt efni inn á þessa miðla. Íslendingar eru svo tregir að tileinka sér nýja tækni, það tók iPod 4 ár að komast almennilega inn á íslenskan markað, og við erum enn að monta okkur yfir farsíma eign... Það er kominn tími á það að blog.is eignist systursíðu... vlog.is :P

[http://pb.annall.is (IP-tala skráð) 21.1.2007 kl. 23:25]

Tek undir það sem Gunnsteinn segir, Pétur haltu áfram að berjast um að koma gáttinni á framfæri - ættum að vera í bandi með að halda námskeið á Akureyri, koma ungu fólki af stað - upphafið að vlog.akureyri (-:

Já og til hamingju með að vera kominn í toppbaráttuna um vinsælustu bloggin hér!