Tækifæri til nýbreytni. Breytum þessu í sundkjallara :)

Jákvæðni er góður kostur í lífinu og eiginleiki okkar til að gera það besta úr hlutunum hefur oft komið að góðum hlutum.. Ég sé hér gríðargott tækifæri til að breyta hundleiðinlegum bílakjallara í eitthvað skemmtilegra. Ég meina, finnst þér gaman að leggja bílnum?… Hélt ekki. Ekki mér heldur.

Það hríslast ekki um mann neinar ánægjutilfinningar þegar ég kem heim og þarf að setja í bakkgírinn og gæta þess að bakka ekki yfir smavöxnu ömmuna úr næstu íbúð. Hún er nefnilega stundum að bogra yfir smámynt sem aðrir hafa týnt í bílakjallaranum.

Hins vegar er það miklu betri tilhugsun að vera á leið heim til sundkjallara. Það færir bros fram á vör og maður keyrir örlítið hraðar og manni jafnvel langar að keyra bara útí og fá sér smá skvettu.

Ég segi bara að þetta sé hið besta mál og nú er tækifærið til að gera eitthvað frumlegt. Lifi sundkjallarinn!

 

Tugmilljóna króna tjón á Sólvallagötunni; ljóst að vatn hefur lekið víðar